“A e kuptove çka të thash?” – arsyeja pse nisi përplasja ndërmjet Xhavit Ukajt dhe Vjosa Osmanit

Kryetarja e Kuvendit të Kosovës, Vjosa Osmani ka ndërprerë seancën ku po diskutohej për rishikimi ne buxhetit për vitin 2020.

Kjo pasi që deputeti i LDK-së, Xhavit Ukaj ka debatuar ashpër ke Osmanin edhe pse kjo e fundit i kërkonte që të qetësohej.

“A po ulësh z. deputet? A po ulesh edhe mos bërtit, sepse jeni ju që e keni përdorur më së shumti për 52 ditë fjalën paranojak. A e kuptove? A e kuptove çka të thash ose përndryshe kërkoj nga sigurimi i Kuvendit që të largojnë nga salla”, i tha Osmani-Ukajt, duke i drejtuar atij gishtin.

Ky gjest i Osmanit ngjalli reagimin e deputetit Xhavit Ukaj i cili iu vërsul kryetares së Kuvendit dhe debatoi me të nga një distancë e afërt.

Në këtë avaz, ndërhynë disa deputetë të LDK-së të cilët e tërhiqnin fizikisht kolegun e tyre.

Kryeparlamentarja Osmani kritikoi Ukajn për sjellje të paedukatë, për të cilën arsye tha se po e ndërpren seancën e sotme.

“Ndërpritet seanca për shkak te paedukatës së një deputeti”, u shpreh ajo.