Kryesia e Aleancës për Ardhmërinë e Kosovës përmes një postimi në faqen zyrtare në Facebook ka bërë të ditur emrat e anëtarëve të partisë që do të merren me çështjen e dialogut Kosovë-Serbi, raporton Gazeta Sinjali.
Ekipi do të përbëhet nga Ardian Gjini kryesues, Selim Selimi dhe Muharrem Nitaj antarë.
Kryesia në mbledhjen konstituive është informuar për takimin e përfaqësuesit të AAK-së për temën e Vetingut.
“Në mbledhjen konstituive të Kryesisë së AAK-së, mes tjerash u diskutua për situatën politike në vend, me theks të veçantë, rrjedhën e dialogut mes Kosovës dhe Serbisë. Kryesia gjithashtu ka marrë një vendim me të cilin ka autorizuar ekipin i cili do të merret me çështjen e dialogut, në përbërje: Ardian Gjini kryesues, Selim Selimi dhe Muharrem Nitaj antarë. Po ashtu Kryesia është informuar për takimin e përfaqësuesit të Aleancës për temën e Vetingut, si dhe ka shqyrtuar gjendjen organizative në degët e Aleancës, organizatat e gruas dhe rinisë”, thuhet në njoftim./GazetaSinjali/
