Agim Veliu për vizitat e Xhelal Sveçlës në Veri: Po bën spektakle, nuk është i zoti ta kryejë punën si ministër

Ministri i Punëve të Brendshme, Xhelal Sveçla, që pas tensioneve në veri të vendit më 31 korrik çdo javë ka shkuar për vizitë atje.

Ai edhe dje vizitoi komunat veriore të Republikës së Kosovës, ku takoi pjesëtarët e Policisë së Kosovës dhe KFOR-it, çka publikoi edhe një video përmes së cilës takoi të gjitha takimet që ka zhvilluar.

Por këto vizita në veri të Sveçlës, ish-ministri i Brendshëm nga LDK, Agim Veliu po i çuan spektakle të panevojshme, e që sipas tij e provokojnë situata të padëshiruara që nuk mund t’i dalë zot.

“Janë vizita më tepër spektakël, e nuk e kanë ndonjë efekt, përveç që provokojnë situata të padëshiruara që ky ministër nuk mund t’i dalë zot. Pra janë spektakle të panevojshme që nuk duhet të bëhen”, ka thënë Veliu në intervistën e dhënë për Reporteri.net.

Veliu tutje ka shtuar se Sveçla nuk është i zoti ta kryejë punën si ministër e po merret me punën e të tjerëve.

“Fatkeqësisht (Sveçla) nuk po e kryen detyrën e tij, si ministër, ky më tepër po luan rolin e policit, ose drejtorit apo zëdhënësit të policisë, nuk po merret me punë të tij, pjesa operative është e policisë, e profesionistëve jo e ministrit. Ai nuk është i zoti me krye punën e tij e merret me të tjerëve”, ka deklaruar Veliu.