Deputetja e PDK-së Blerta Deliu-Kodra, ka thënë se PDK-ja nuk e ka votuar rishikimin e buxhetit, pasiqë sipas kësaj partie, Qeveria planifikon të ndajë mjete për lukse të veta në prag të zgjedhjeve lokale.
„Mashtrimi nuk është ndryshe, një parti e cila premton drejtësi, privilegjon vetëm ata që janë superstrukturë në kurriz dhe në dëm të qytetarëve të Kosovës. Pra 50 milionë më shumë për vete dhe afër 73 milionë më pak qytetarët. Prandaj PDK-ja nuk e ka votuar këtë rishikim të buxhetit“, tha Deliu-Kodra në një konferencë për media.
Tha se rishikimi i buxhetit nuk i plotëson nevojat e qytetarëve dhe nuk parasheh një rimëkëmbje ekonomike.
“Ne kemi pa që ka një tendencë për diskriminim të komunave dhe do të thotë se ku nuk qeverisë Lëvizja Vetëvendosje, vërehet një diskriminim i qartë dhe një tendencë që ky buxhet të orientohet dhe të destinohet për fushatën për zgjedhjet lokale që do të mbahen në tetor“, tha tutje Deliu -Kodra.
„Ne kemi parë një tendencë të qartë për keqpërdorimin e parasë publike, e dini të gjithë rastin e tiketës ngjitëse prej 5 euro të cilën më pas e tërhoqi qeveria“, ka thënë ajo.
Ajo shtoi se për këtë arsye nuk do të marrin pjesë në seancën për votimin e marrëveshjeve ndërkombëtare.
“PDK si rezultat i këtyre shqetësimeve për shkak të faktit se qeveria ndan mjete për luksin e saj ne si PDK nuk do të marrim pjesë në seancën për votimin e marrëveshjeve ndërkombëtare”, tha ajo./Periskopi/
Discussion about this post