E rëndë në Itali: Shqiptari, baba i katër fëmijëve, vdes në zjarrin me të cilin tentoi të djegë familjen

Një 47 vjeçar shqiptar në Itali humbi jetën nga asfiksia në tentativë për të djegur familjen e tij.

Ngjarja ka ndodhur mbrëmjen e të shtunës në Civitella del Tronto, në provincën e Teramos.

Siç raportojnë mediat italiane, Dritan Çobo ka tentuar të vrasë gruan e tij dhe 4 fëmijët e moshës 20, 19, 17 dhe 5 vjeç.

Aki kishte spërkatur divanin me lëng të ndezshëm, me siguri benzinë, duke i vendosur më pas zjarrin me qëllim djegien e gjithë familjes.

Shpëtimtari për nënën dhe 3 vëllezërit më të vegjël u bë më i madhi i familjes, djali 20 vjeçar.

Pasi lajmëroi zjarrfikësit dhe u kthye në shtëpi për të ndihmuar babanë e tij, por e gjeti të pa jetë.

Ekipet e shpëtimit e gjetën trupin e burrit të shtrirë në derë dhe gruan e tij me vështirësi në frymëmarrje një distancë të shkurtër larg.

Gruaja dhe fëmijët u shtruan në spital.

Nga gjetjet e para, 47-vjeçari humbi jetën nga asfiksimi, por pritet rezultati i autopsisë.

Mësohet se situata në familje kishte qenë e tensionuar prej kohësh. 47-vjeçari ishte shfaqur vazhdimisht i dhunshëm dhe e kishte kërcënuar gruan e tij me vdekje.

Shtëpia është shpallur e papërshtatshme për përdorim. Komuna po punon për të gjetur akomodimin për familjen.