Fundjava me mot dimëror, këto pritet të jenë temperaturat

Prishtina Weather ka njoftuar se gjatë vikendit në Kosovë moti do të jetë dimëror.

Sipas njoftimit përgjatë dy ditëve do të ketë reshje shiu dhe bore.

Mot i ftohët e me mundësi për reshje bore do të mbretëroj edhe të hënën.

Njoftimi i plotë:

Ditëve vijuese kthjellime dhe ngrica në mëngjes. Të premten më butë gjatë ditës. Në fundjavë rikthehet moti dimëror me reshje bore dhe shiu.

23.02.2022 – Gjatë dy ditëve të ardhshme në vend do të mbajë mot më stabil, kryesisht me diell, e orëve të mëngjesit edhe me ngrica. Të premten gjatë ditës do të mbajë mot më i butë, me vransira kalimtare.

Ditën e shtunë vransirat vijnë duke u shtuar, e në mbrëmje fillojnë edhe të reshura lokale shiu, në vise kodrinoro-malore edhe të përziera me borë, që vazhdojnë edhe përgjatë ditës së diel, me rënie të temperaturave.

Të hënën mbetet mot i ftohtë, kryesisht i vranët e me erë, me mundësi për reshje bore, e gjatë ditës në pjesë të ulëta të vendit edhe të përziera me shi.

CIlësia e ajrit mbetet në vlera të pranueshme edhe ditën e enjte, ndërsa ditën e premte do të ketë më shumë periudha të qetësisë, që mbajnë ndotësit ajror më të përqëndruar, e indeksi kalon edhe në vlera të dobëta dhe shumë të dobëta. Erëra më të theksuara paraqiten sërish në fundjavë, që ndihmojnë në shpërndarjen e ndotësve ajrorë, e indeksi edhe të shënojë përmirësim në vlera të pranueshme dhe të mira.

24.02 – Kryesisht kthjellët dhe me diell. Në mëngjes ngrica.

25.02 – Pas mëngjesit me ngrica, ditën më butë e kryesisht me diell, kohëpaskohe edhe me vransira kalimtare.

26.02 – Kryesisht me vransira, vende-vende me riga lokale shiu. Në mbrëmje vonë priten të reshura të dobëta shiu, që përzien edhe me borë.

27.02 – Ftohtë, kryesisht vranët, me reshje shiu e bore, që në mbrëmje shndërrohen në borë.

28.02 – Ftohtë, kryesisht vranët, e kohëpaskohe priten edhe reshje të dobëta bore, apo të përziera edhe me shi gjatë ditës në pjesë më të ulëta.

Temperaturat me tendencë të rënies, minimalet luhaten ndërmjet -3C e 1C, e maksimalet të premten rriten deri në 11C, e deri të dielen zbresin në 2C dhe 1C ditën e hënë.

Dominojnë erërat mesatare dhe mesatarisht të fuqishme nga verilindja me shpejtësi prej 5-12m/s, e vetëm ditën e premte fryjnë lehtë nga jugperëndimi 1-4m/s.

Shtypja atmosferike luhatet në vlera mbi normale, megjithë tendencave të rënies në fundjavë.