Pas mbledhjes së Komitetit për vlerësimin e situatës me COVID-19 në Kosovë, kryeministri i Kosovës, Avdullah Hoti, tha se sot ose të hënën do t’i shqyrtojnë masat që janë ndërmarrë për të parandaluar përhapjen e COVID-19.
Hoti në një konferencë për media, u pyet se a do të largohet masa për kufizimin e lëvizjes nga ora 21:00 deri në orën 05:00. Ai tha se ditëve në vazhdim do të ketë një vlerësim përfundimtar se çfarë masa të reja duhet të ndërmerren.
“E vlerësuam në mbledhjen e Komitetit, ku ishte edhe drejtori i Asociacionit të komunave, besoj që nesër ose të hënën do të kemi vlerësimin përfundimtar se cilat masa të reja duhet të ndërmarrë apo t’i shqyrtojmë masat që janë marrë deri tash”, tha Hoti.
Vendimi i fundit i Qeverisë së Kosovës rreth parandalimit të përhapjes së koronavirusit ishte kufizimi i lëvizjes nga ora 21:00 deri në orën 05:00
Discussion about this post