Humb jetën edhe fëmija i dytë që ra në pus – Policia rrëfen në detaje rastin

Në fshatin Milloshevë të komunës së Prishtinës dy fëmijë kanë humbur jetën pasiqë kanë rënë në një liqe artificial, shkruan Insajderi.

Policia e Kosovës ka deklaruar se rasti ka ndodhur rreth orës 15:00, ku dy fëmijë kanë shkuar për t’u larë aty dhe nga tre, dy të mitur kanë gjetur vdekjen.

“Në këtë rast të cilësuar si hetim mbi vdekjen, kanë humbur jetën dy femijë. Policia e Kosovës rreth orës 15:00 ka pranuar informatën se në një liqe, tre fëmijë kanë shkuar për t’u larë dhe dy kanë hyrë brenda dhe s’kanë arritur të dalin. Një fshatar ka marrë vendime të menjëhershme dhe njërin nga viktimat ka arritur ta nxerr nga lumi.  Policia ka arritur në vendngjarje dhe kanë tentuar t’ japin ndihmën fëmijës e nxjerrur, në këtë rast është konstatuar vdekja e tij. Rreth orës 17:00, është nxjerrur fëmija e dytë. Në vendgjarje janë të gjitha”, ka deklaruar Baki Kelani zëdhënës nga Policia e Kosovës.

Fëmijët sipas informatave të deritanishme janë të moshës nga 9 deri në 11 vjeç./Insajderi.org/