Imer Mushkolaj: Bombardon me deklaratën e tij për UÇK-në

Analisti Imer Mushkolaj ka thënë se pjesëtarët e UÇK-së për veprat e tyre të pasluftës nuk duhet paragjykuar për luftën e vitit 1999.

Mushkolaj në “Debat Plus” me Ermal Pandurin në RTV Dukagjini ka thënë se gabimet e njerëzve të UÇK-së, që pas lufte janë futur në politikë nuk bën të përzihen me luftën e UÇK-së.“UÇK e ka vlerën e vet historike. Askush nuk duhet ta vejë në dyshim këtë gjë”, tha ai.

Analisti thotë se qysh në fillim Kosova ka qenë e pabarabartë me Serbinë pasi UÇK-ja ishte përballë një ushtrie të organizuar serbe.“Si mund të barazohen viketimat dhe agresorët në luftën e Kosovës”.Mushkolaj thotë se UÇK kishte rolin vendimtar që edhe NATO të ndërhyjë.

“NATO e ka bërë punën e vet, por po të mos ekzistonte lufta e UÇK-së, NATO nuk do të kishte intervenuar. Lufta duhet të shihet në këtë mënyrë”, tha ndër të tjera Imer Mushkolaj.