Jovanoviq e rrah me raketë të tenisit pronarin e një klinike në Beograd

Lideri i Partisë Liberal Demokrate në Serbi, Çedomir Jovanoviq, ka rrahur me raketë të tenisit pronarin e një klinike private për terapi fizikale.

Sipas mediumit serb “Blic”, sulmi ka ndodhur gjatë ditës së sotme rreth orës 17:00 në Beogradin e Ri.

Ndërsa pronari i klinikës dëshmoi në polici duke thënë se politikani Çedomir Jovanoviq doli nga xhipi i zi dhe e sulmoi atë me një raketë tenisi, raporton Gazeta Sinjali.

Sipas raportit të policisë dhe bazuar në dëshminë e D.I., Jovanoviq e ka goditur disa herë në kokë dhe në trup viktimën.