Qëndron Kastrati, Kryetari i Komunës së Kamenicës, ka treguar rreth mënyrës se si ai e kuptoi se tani është pjesë e të prekurve me koronavirus në Kosovë.
Ai ka thënë se qytetarët duhet të jenë të kujdesshëm në mënyrë që të tejkalohet kjo situatë, edhe pse tregon se ndonëse është pozitiv, ai nuk ka asnjë simptomë shqetësuese, njofton Klan Kosova.
”Aktualisht në Komunën e Kamenicës, vetëm unë jam si i infektuar. Uroj të jem i vetmi dhe i fundit në Komunën e Kamenicës”.
”Nuk kam asnjë simptomë ende. Po ndihem mirë me shëndet”.
”Nuk po e them për të shtuar panikun, por këtë po e them që kujdesi të jetë më i shtuar”.
”Kontaktin e kam pasur të dielën e kaluar dhe nga moment që është identifikuar – diku janë dy ditë që kam qenë aktiv që kam pasë kontakte”.
Kastrati duke qenë udhëheqës i Komunës së Kamenicës ka thënë se pavarësisht infektimit me virus, ai do ta vazhdojë detyrën e tij përmes platformës virtuale, njofton Klan Kosova.
”Kemi edhe teknologjinë dhe prapë do vazhdojë me udhëheqjen e komunës përmes platformave të ndryshme online”.
Discussion about this post