Ky është numri i rasteve aktive me koronavirus në Kosovë

Në Kosovë janë regjistruar edhe 195 raste të reja me koronavirus, kështu duke e çuar në 3 mijë e 703 numrin e përgjithshëm të të infektuarve.

Rreth 1 mijë e 700 raste aktive me koronavirus në Kosovë

Instituti Kombëtar i Shëndetësisë Publike të Kosovës (IKSHPK), ka njoftuar se në 24 orët e fundit janë regjistruar edhe 195 raste të reja me koronavirus në vend, kështu duke e çuar në 3 mijë e 703 numrin e përgjithshëm të të infektuarve, shkruan lajmi.net.

Sipas njoftimit, vetëm në komunën e Prishtinës janë regjistruar 102 raste, shifra këto që e kanë dërguar në 900 raste në total në kryeqytet.

Po ashtu IKSHPK-ja ka njoftuar se gjatë 24 orëve të fundit janë shëruar 44 persona dhe aktualisht numri i të shëruarve është 1 mijë e 946, përderisa numri i të vdekurve ka arritur në 79.