Koronavirus: Sot në repartin e Mjekimit Intensiv në Klinikën Infektive ka ndërruar jetë një pacient 71 vjeçar nga Prizreni, i cili përveç se ishte i infektuar me koronavirus, kishte edhe sëmundje të tjera
Kështu ka bërë të ditur, Qendra Klinike Universitare e Kosovës duke treguar se aktualisht në këtë institucion janë të hospitalizuar 32, shkruan lajmi.net.
18 prej pacientëve të hospitalizuar janë në gjendje stabile, ndërsa 12 prej tyre janë duke u trajtuar me oksigjenoterapi e dy prej tyre janë në gjendje kritike me frymëmarrje të asistuar.
Ky është njoftimi i plotë i QKUK-së:
Në klinikën Infektive në QKUK, sot me 13.06.2020, janë të hospitalizuar 32 raste me Covid-19.
Gjendja e pacientëve të sëmurë me Covid -19 është si vijon;
18 raste janë në gjendje stabile.
12 raste janë duke u trajtuar në repart me oksigjenoterapi dhe përkujdesje intensive.
Në repartin e Mjekimit Intensiv janë duke u trajtuar 2 raste në gjendje kritike me frymëmarrje të asistuar dhe përkujdesje intensive.
Sot, në repartin e Mjekimit Intensiv në Klinikën Infektive, ka ndërruar jetë pacienti 71 vjeçar nga komuna e Prizrenit, i pranuar me 05.06.2020, i cili përveç infeksionit me Covid -19, kishte edhe sëmundje tjera shoqëruese. /Lajmi.net/
Discussion about this post