|Marrëdhëniet jo të mira e shpesh edhe të acaruara në mes të Presidentit të vendit, Hashim Thaçit dhe Kryeparlamentares Vjosa Osmani, tashmë janë publike.
E se qëndrimet e kësaj të fundit përputhen me ato të liderit të Vetëvendosjeës, Albin Kurtit, siç kishte thënë Osmani, e dinë edhe zogjtë e malit.
Por, këto raporte e qëndrime të ngjashme sikur i kanë kushtuar Osmanit me përkrahjen brenda partisë së saj.
Si duket, tash LDK ka hequr dorë nga mbrojtja e Osmanit edhe kur sulmet vijnë nga jashtë, sikur që ishte rasti kur Thaçi publikisht sulmoi Osmanin e familjen e saj.
Në Rubikon shefi i shtetit tha që “Projektet e mia kanë qenë gjithmonë për t’u përballur me Serbinë dhe kështu kemi fituar lirinë dhe pavarësinë. Nëse dikush nga Osmani i ka shërbyer Serbisë në atë kohë, unë i kam luftuar ata” dhe “Po të isha në vend të Osmanit do të isha djersitur. Do të flas shumëçka nëse ajo vazhdon të shpifë”.
Kjo nxiti menjëherë reagimin e Osmanit, e cila Thaçin e quajti me emrin e luftës, “gjarpëri”, derisa tha që partia e saj, LDK, duhet t’i përkulet e kërkoj falje popullit që ndihmuan Thaçin të bëhet President.
Por, në krah të Osmanit, nga partia e saj, nuk foli askush, përveq deputetit Haxhi Avdyli, i cili gjithashtu ka qëndrime të njëjta me Osmanin dhe poashtu ishte kritikuar nga LDK.
Madje, për të dy këta, ishte diskutuar edhe përjashtimi nga partia, në mbledhjen që kreu Isa Mustafa kishte me kryetarët e degëve, shkruan gazeta inFokus.
Avdyli tha që Thaçi mbetet dhuarata më fatkeqe dhe e dëmshme që ia ka bërë LDK vendit.
Por, vet shefi i LDK-së, i cili e kishte mbrojtur Osmanin pak ditë më parë, nga sulme thuajse të ngjashme, kur këto i bëri Hashim Thaçi, ai nuk e tha as edhe një fjalë.
Kjo duket edhe si përkqeësim edhe më i madh i raporteve në mes të zyrtarëve të LDK-së dhe Osmanit, Avdylit e deputetëve të cilët kishin kundërshtuar rrëzimin e Qeverisë Kurti dhe nuk kishin votuar Qeverinë Hoti./Gazeta inFokus/
Discussion about this post