Lushtaku: Kurti erdhi me forca të shumta të policisë si gjatë luftës, sikur të ishte Drenica vend që duhet të rrethohet e të vriten njerëz

Kryetari i PDK-së në Skenderaj, Sami Lushtaku thotë se Albin Kurti shkoi në Skenderaj me forca të shumta të policisë, sikur gjatë luftës.

Ai shtoi se kjo dha përshtypjen se Drenica është vend që duhet të rrethohet e të vriten njerëz, përcjellë Gazeta Blic.

“E keni parë, edhe unë njejtë si ju. Më vjen keq që Albin Kurti ka ardhë me forca të shumta të policisë, sikur gjatë luftës. Si të ishte Drenca vend që duhet të rrethohet e të vriten njerëz. Kurti nuk është dashtë të vijnë me ato forca. Shumë aktivistë të VV-së kanë ardhur këto ditë pa probleme. Kurti e provokoi qytetarin e Drenicës me forcat policore”, thotë ai në T7.