Mytaher Haskuka tregon arsyet që quan në prishjen e koalicionit me LDK-në në Prizren

Kryetari i komunës së Prizrenit, Mytaher Haskuka ka njoftuar se si shkak i prishjes së koalicionit qeverisës mes LDK-së dhe VV-së, ka vendosur ta prishë koalicionin edhe në rrafshin komunal.

Haskuka përmes Facebook ka njoftuar se përderisa koalicionen duhet bazuar në besim të ndërsjellë edhe gjatë periudhës pas rënies së Qeverisë Kurti, ajo nuk ka qenë e mundur dhe nuk është vazhduar rrugëtimi, shkruan Insajderi

{Mendoj që koalicionet duhet të bazohen në besimin e ndërsjellë dhe në këtë aspekt pas zhvillimeve të fundit nuk ka mbetur hapësirë për të vazhduar rrugëtimin tonë. Dua të falënderoj drejtorët komunalë nga LDK-ja dhe asamblistët e LDK-së për bashkëpunimin e deritanishëm dhe punën në përmbushjen e programit qeverisës në nivelin lokal”, ka shkruar tutje kryetari i Prizrenit.

Ai shpreson se forcat që brenda LDK-së që nuk janë të shantazhuara, të vazhdojnë ta kthejnë partinë ku u vendos demokracia.

“Shpresoj që forcat demokratike brenda LDK-së që nuk janë të shantazhuara, do të vazhdojnë përpjekjet e tyre që LDK-në ta kthejnë në një parti ku vendos demokracia, e jo një grusht njerëzisht që ndoshta nga interesat e tyre apo nga shantazhet janë të lidhur me fatin e një Presidenti, që për të shpëtuar veten po e katandisë Kosovën me Listën Serbe”, ka përfunduar ai.