Rritet brenda natës në vlera rekorde çmimi i naftës, nga frika e pushtimit rus në Ukrainë

Çmimet e naftës po rriten nga frika se kriza Ukrainë-Rusi do të prishë zinxhirët e furnizimit në të gjithë botën.

Fuçitë e naftës së papërpunuar  Brent, pikë referimi ndërkombëtare, arritën nivelin më të lartë të shtatë viteve prej pothuajse 98 dollarë  të martën pasi Rusia njohu rajonet rebele të shkëputura në lindje të Ukrainës si shtete të pavarura, raporton BBC, transmeton Gazeta Online “Reporteri.net.”

Rusia është eksportuesi i dytë më i madh i naftës së papërpunuar pas Arabisë Saudite.

Është gjithashtu prodhuesi më i madh në botë i gazit natyror.

Fuqitë perëndimore kanë frikë se njohja nga Putini i zonave të kontrolluara nga rebelët hap rrugën që trupat ruse të hyjnë zyrtarisht në lindje të Ukrainës.

Republikat e vetëshpallura Popullore të Donetskut dhe Luhanskut janë shtëpia e rebelëve të mbështetur nga Rusia, të cilët kanë luftuar kundër forcave ukrainase që nga viti 2014.

Lëvizja e Rusisë në mënyrë efektive përfundon bisedimet e paqes në rajon, i cili ka qenë nën një armëpushim fragjil për vite me radhë. /Reporteri.net