Skandaloze: Të vdekurit në Gjilan po varrosen afër njëri tjetrit

Edhe për të vdekurit e Gjilanit është bërë problem, sepse nuk ka vend për varrimin  e tyre në varrezat e qytetit.

Kjo hapësirë është stërmushur me të vdekur dhe se tani më varrimet po bëhen shumë afër njëri tjetrit për të mos thënë se po varrosen mbi të vdekurit e tjerë, raporton “Syri.net”.

Posa një qytetarë vdes, lajmërohen organet gjegjëse e të cilat nisin hulumtimin e ndonjë hapësire për hapjen e varrit për varrimin e të vdekurit.

Në mungesë të hapësirës varrimet po realizohen shumë afër njëri tjetrit.

Derisa kryehej një ceremoni varrimi, hapësira ishte jo e thellë dhe jo e gjatë sa duhet. Pjesëmarrësit jo të shumtë u habitën me varrin e hapur jo si duhet, derisa  hoxha u ankua se nuk ka vende tjera.

Thellësia e varrit ishte jo sa duhet dhe aty shiheshin edhe dërrasat e një varri tjetër të vjetër dhe nuk leojehj grryerrje më e thellë.

Shtrohet pyetja çfarë do të ndodh me të vdekurit e tjerë…

Ka disa vjet që qytetarët e Gjilanit po përballen me mungesën e hapësirës për realizimin e varrimit të familjarëve të tyre në varrezat ekzistuese të qytetit.

Situata çdo ditë e më shumë po rëndohet, ku  tashmë të vdekurit kanë nisë të varrosen mbi varret e të tjerëve.

Derisa ishte caktuar një lokacion për varreza andej lagjes së Zabelit, ka dalë një problem, ku banorët e pronave përreth e disa zyrtar politik nuk po pranojnë asesi që përrreth tokave të tyre të ketë vazrre, sepse tokat e tyre do të bëhen të pavlefshme.

Situata u bë edhe më dramatike pasi prona atje thuhet se ka edhe  person politik apo familjarët e tij dhe i cili ka bllokuar  ndarjen e lokacionit për varreza, sepse përndryshe për qtetarë të rëndomtë  ishte harruar kjo çështje.

E duke parë kundërshtimet e shumta opozitare, vendimi i projektit të varrezave në “Zabel…”, është tërhequr nga komuna.

Derisa tash po shikohet një lokacion tjetër, por të vdekuri nuk po kanë kut të varrosen.

Me 29 nëntor të vitit parparak  kishte dështuar të mbahet seanca e jashtëzakonshme e Kuvendit Komunal të Gjilanit, e thirrur me iniciativë të 15 këshilltarëve të PDK, VV, Vatra dhe këshilltarëve të pavarur, për të diskutuar për lokacionin e ri të varrezave të qytetit, i cili është planifikuar të jetë në pjesën e Zabelit.

Mbajtja e seancës kishte dështuar për mungesë të kuorumit. Derisa komuna ka hequr dorë ga Zabeli…

Deputeti i Kuvendit Komunal nga PDK-ja Isa Agushi, tha për “Syri.net”, se si opozitë kanë kërkuar që të gjindet një lokacion i përshtatshëm për varrezat e qytetit, kurse pozita me Lutën këmbëngulshin që vendi të jetë pas deponisë kah Uglari.

Sipas tij ai vend është shumë i vogël dhe kanë shumë qytetarë prona private aty.

“Ne po kërkojmë një lokacin të madhë që i permbushë për një shekull kërkesat për varrezat e qytetit”, tha Agushi.

Sipas tij një vend ndodhet drejt Cërnicës e Livoqit dhe aty ka shumë vend të mirë dhe e gjitha është pronë komunale dhe kufizohet me pronën e Agjencionit Pyjor të Kosovës.

Ai shtoi se kjo punë nuk po bëhet për teket e kryetarit dhe pozitës.

“Ne jemi në dieni si opozit dhe bashkësia Islame e Gjilanit që tani për tani nuk kemi vend për varreza, sepse janë të stërmbushura, pushteti aktual nuk e qanë kokën për këtë problem dhe nuk është duke ndërmarr asnjë hap. Kjo gjendje është e papranueshme për ne. Duhet urgjentisht të formohet një komision i përbashkët pozit-opozit si dhe nga Bashkësia Islame e Gjilanit që të hulumtohet një lokacion i përshtatshëm për varrezat e qytetit dhe të sillet në kuvend dhe të miratohet, sepse nuk kemi koh për të humbur”, tha këshilltari i PDK-së Isa Agushi.

Derisa as kryetari i Komunës së Gjilanit Lutfi Haziri e as nënkryetari Arbër Ismajli nuk janë përgjigjur për “Syri.net”  rreth gjendjes aktuale me mungesën e hapësirës për varre në Gjilan.

“Sa i përket projektit të varrezave në “Zabel…”, i cili u kundërshtuar shumë nga opozita, e kemi tërhequr vendimin dhe do të shikohet një lokacion tjetër”, tha thënë kryetari i Komunës së Gjilanit Lutfi Haziri në mbledhjen e Kuvendit Komunal të 2 qershorit të këtij viti.