Pesë zyrtarë policorë pa maska e duke mos respektuar distancën sociale janë “zënë” duke u shoqëruar edhe me tre persona tjerë në një kafene në Prishtinë.
Këta zyrtarë, të cilët do duhej të ishin në vijën e parë të frontit ndaj parandalimit të përhapjes së epidemisë COVID-19, janë shfaqur në një kafene në lagjen Mati 1 duke mos i zbatuar masat e dënueshme me ligj, tregojnë fotografitë që ka siguruar Gazeta Insajderi.
Një dëshmitar nga vendi i ngjarjes i ka thënë gazetës se nën shoqërimin e zyrtarëve policorë ishin edhe tre inspektorë komunalë të Prishtinës.
Policia e Kosovës ka filluar rreth dy javë më parë të shqiptojë gjoba për qytetarët që nuk respektojnë masat e nxjerra nga Qeveria e Kosovës kundër koronavirusit.
Madje, sipas Ligjit, edhe gjobat janë të mëdha. Ato shkojnë nga 2 deri në 12 vjet burg, ndërsa për kundërvajtje sipas Ligjit për parandalimin e sëmundjeve ngjitëse deri në 8 mijë euro gjobë. /Insajderi.org
Discussion about this post